नेपाली हास्यव्यङ्ग्य अनलाइन पत्रिका

मन्त्री हो मन्त्रणा वा, हर बखत नयाँ, मूल सल्लाहदाता
जो हुन्छन् मुख्य मन्त्री, उनसित रहँदै, दिन्छ सल्लाह खासा ।
मात्रै ठेक्का र पट्टा, कमिसन घुसको, मार्ग रोज्दैछ मन्त्री
चोरैको खन्ती जस्ता, नव धनपति पो, देखिए दुष्ट मन्त्री ।।१।।

लुट्नैमा घुम्न जाने, पर मुलुक सधैं, देशमा दैव लाग्दा
दाताका दानमाथि, लुटपिट अति भो, घोर भूकम्प जाँदा ।
जस्ता पाता र खाता, निजहिततिर नै, लाउने भ्रस्ट मन्त्री
राख्छौ के शीर्ष मन्त्री, अझ पनि पदमा ? लाज लाग्दैन रत्ति ? ।।२।।

छोड्द्यौ भो मुख्यमन्त्री, पद अब बुझिद्यौ, मान्यता–मूल्य भाँच्यौ
लोकैको तन्त्रमाथि, छल–बल खलता, ताण्डवी नाच नाच्यौ ।
लेखेनौ सम्विधानै, छलफल अति भो, छैन स्थानीय–सत्ता
टीकेकै यन्त्रबाटै, कति दिन यसरी, चल्छ हो सर्वसत्ता ?
धादिङ