नेपाली हास्यव्यङ्ग्य अनलाइन पत्रिका

१.
हुँदैन रात नढली बिहान हुँदैन
अनि लक्ष्य बिनाको अभियान हुँदैन
हो, सधैं बेकुफ बनेर किन दौडिन्छौ ?
मान्छे नगाडी कतै पनि चिहान हुँदैन ।

२.
भिरमा जाने गाइलाई अँगालेर हुँदैन
पानीमाथि आगो कहिल्यै बालेर हुँदैन
तिमी नगर, बिनासित्ती घमण्ड नगर
कसम फलाम त्यो सुन गालेर हुँदैन ।

३.
हुँदैन थ्यो रामायण सीता र राम नभए
चल्ने थिएन सन्सार जुन र घाम नभए
जतिसुकै राम्रो चरित्र देखावस् न यहाँ
चिनिँदैन उसको ब्यक्तिगत नाम नभए ।

४.
हुँदैन नदी, खोला बिना बगर हुँदैन
भुस र खरानी मिली दिगो घर हुँदैन
हो, तिमी नगर ब्यर्थै भेदभाव नगर
नारी पुरुष सिवाय अर्को थर हुँदैन ।

भोजपुर