बूँद रानाजिन्दगी
कतै मलेसिया कतै कतारमा छ जिन्दगी
चढी लिलाममा यहाँ बजारमा छ जिन्दगी
न आँगनै भयो कुनै न बैठकै न बार्दली
बनेर द्वारपाल झैं सँघारमा छ जिन्दगी
विडम्बना स्वदेशका युवा जमात भन्दछन्
पराइको रियालमा दिनारमा छ जिन्दगी
यही विशेष सम्पदा टिकी रहेछ यो सदा
सधैं कराल कालको प्रहारमा छ जिन्दगी
मिठो छ भन्नु के गरी तथापि स्वाद युक्त छ
म लिन्छु स्वादआँपको अचारमा छ जिन्दगी
थकाइ मार्न भन्छु त्यो अटेर गर्छ हर्घडी
सदैव रेल चढ्नुको हतारमा छ जिन्दगी ।
Subscribe
Login
0 Comments
Oldest
