नेपाली हास्यव्यङ्ग्य अनलाइन पत्रिका

१.ढलाऊ बरु सगरमाथा 

ईज्जतमा कलँक भई के कहलाउँछौ मान्छे,
जताततै बिष छर्दै के फलाउँछौ मान्छे ?
तिम्रोमात्र होईन हेर देखेजति सँसार,
ढलाऊ बरु सगरमाथा के ढलाउँछौ मान्छे ।

२.सर्वस्व लुट

देखेको पनि झुट हुन्छ यहाँ,
ठूलालाई कानुन छुट हुन्छ यहाँ
अमृतको स्वादमा सँवोधन गर्दै,
सर्वस्व सबै लुट हुन्छ यहाँ ।

३.क्षणिकलाई झुटो

बदलेर मन्दिर चिहान बने नि,
निर्जन निराधार बिहान बने नि ।
म खोजिरहेछु यहिँ दिव्य सँसार,
क्षणिकलाई झुटो समान बने नि ।

तिवारी भञ्ज्याङ, भोजपुर