नेपाली हास्यव्यङ्ग्य अनलाइन पत्रिका

ती अधुरा सपनाहरू पुरा होलान् जस्तै लाग्छ
उनीसंग मिलनको कुरा होलान् जस्तै लाग्छ ।

यतिसम्म कल्पनामा डुबेको छु हिजो आज
बिहे होला जस्तै लाग्छ भुरा होलान् जस्तै लाग्छ ।

मनको कुरा भन्न खोज्छु शंका लाग्छ मित्रसंग
मुखमा राम बगलिमा छुरा होलान् जस्तै लाग्छ ।

सहिदको घरभित्र के होला र धन सम्पत्ती
पुछिएको सिन्दुर र चुरा होलान् जस्तो लाग्छ ।

अझैसम्म भट्टीभित्र पस्या भए तिम्रो कसम
त्यहाँ केवल सुन्दरी र सुरा होलान् जस्तो लाग्छ ।

जहदा, नवलपरासी