नारद गौतमप्रजातन्त्रका शब्द खाएर हुन्न
परेको छ सद्दै कुरामात्र सुन्न
छ हैरान सुन्दा नयाँ काम हुन्न
बनेछन् सिपालु श्रमी जाल बुन्न
प्रजातन्त्रका शब्द खाएर हुन्न ।
छ नेता हरामी सधै भूmट बोल्छ
निशर्मी छ साले बिगारेर डोल्छ
चलाखी गरेको छ आवाज थुन्न
प्रजातन्त्रका शब्द खाएर हुन्न ।
अनेकौँ बहाना बनाएर ढाँट्यो
कुतर्की बनेरै कुरामात्र काट्यो
नजाती भयो भोट हालेर चुन्न
प्रजातन्त्रका शब्द खाएर हुन्न ।
अभागीहरूको पनी भाग्य खुल्छ
सबै दीनता पन्छिई देश फुल्छ
भन्यो, आशमा बल्झिएँ, भन्छु रुन्न
प्रजातन्त्रका शब्द खाएर हुन्न ।
चरी ढाँट्न जान्दैन बोल्दैछ साँचो
यिनी दुष्ट नेता सधै ढाँट्न माचो
म रोएर के भो कसैलाइ छुन्न !
प्रजातन्त्रका शब्द खाएर हुन्न ।
बलेटक्सार, गुल्मी
Subscribe
Login
0 Comments
Oldest
