खोलाघरे साहिँलोेआए !!
सधैंभरि दह्रो किलो गाडिएको विश्वासलाई ठोक्ने, हल्लाउने उस्तै कडा काठे- मुङ्ग्रा आए ।
रङ्गमञ्चमा हेर्दाहेर्दै निकै भेडा-च्याङ्ग्रा आए
नाटक गर्न सुरिएर केही ओखर-पाङ्ग्रा आए ।
पर्दाबाहिरै लाममा छन् रङ्गीन स्याल र बूढो सिंह
तिनीहरूभन्दा लामा तिनका दाह्रा-नङ्ग्रा आए ।
गालीबाटैे धम्काएर पिशाच मन्साउँछु भन्ने
झाँक्रीलाई काम लाग्ने गजो-ढोल-ढ्याङ्ग्रा आए ।
चप्पल पड्काउन छोड्लान्, भोलि मलमल लगाउलान्
अहिले चैं नारा लाउँदै केही बोरा-भाङ्ग्रा आए ।
सधैंभरि दह्रो किलो गाडिएको विश्वासलाई
ठोक्ने, हल्लाउने उस्तै कडा काठे- मुङ्ग्रा आए ।
०००
०७९/०८/१०
Subscribe
Login
0 Comments
Oldest
