शिव अधिकारीथपिथपी खाइरहन्छन्
ती पुरानै अनुहार, आइरहन्छन् ।
पटकपटक मौका तिनै, पाइरहन्छन् ।
यता उता, तल माथि, उठबस गर्दै,
सधैंभरि जनतालाई, दाइरहन्छन् ।
जनतामा कर् कर् गरी, “कर” असुलेर,
पालैपालो थपिथपी, खाइरहन्छन् ।
पाँच वर्ष चिन्दैन क्वै, फेरि किच्च गर्दै,
“मत” माग्न मात्रै गाउँ, जाइरहन्छन् ।
एउटा माखो नमारेर, लाज पचाउँदै,
चिप्लो घस्दै फेरि साइनो, लाइरहन्छन् ।
०००
२०७९/०७/०५/०७/
माई न. पा.- १०, लुम्बाक, इलाम
Subscribe
Login
0 Comments
Oldest
