नेपाली हास्यव्यङ्ग्य अनलाइन पत्रिका

राम्रा वृक्ष खुशी सुखी गगनमा मेस्सी बने घामजी
हाम्रा पीपल वृक्ष विश्व गरिमा आनन्दमा रामजी
चौतारी रुखको अनन्त सुखको सत्ता गयो गाइयो
पेवा खोसिन गो सखी विरहमा भत्ता मजा खाइयो

तारेचार खुशी कुबुद्धि गुरुको राम्राहरू पोखरा
एम्बाप्पे जपियो सुवास थपियो शर्मा रमायो धरा
साथी दूर गयो कुबन्धन गठे भस्मातुरे तालमा
नाचे विश्व सखा उडी गगनमा मीनेन्द्र नेपालमा

सान्दाजी उहिले थिए विगतमा गौरी सखी चाहिने
औतारी सुकिलाहरू शठ हुने सत्ता पुगी खाइने
मिल्ला दाम जता उता दनुजले डेरा लिने लोकमा
चिल्ला कार सकार सार रमिता खाने मिली थोकमा !

दाजी कुन्द मुकुन्द पीर मनमा पौडेल काशी अरे
काशीनाथ गया पुगे विरहमा राजेन्द्र ओली वरे !
सेता वृक्ष रमाउने चलनले सन्देश कस्तो दिने ?
काला काल ढकाल चाल टुहुरो आक्रोश आकाशिने !

शर्मा एक “शराह” हर्कपुरमा श्रीराम लीला वरी
दाजी मित्र बने भने जय सखा एकान्तवासी चरी
के के भो घरमा उता शहरमा घुम्ती उही तीनमा
माया इन्द्र परी चरी गगनमा आफ्ना परे दीनमा !

०००
चितवन