देवराज तिवारीबुख्याँचा छ एउटा
फिनी चोरिइसक्यो गहुँका गेडा गन्दै गर्दा, तेलको रोटी जस्तै फुर्ने बुख्याँचा छ एउटा ।
खेतबारीमा दुम्सी कुर्ने बुख्याँचा छ एउटा
न्याय बेची भात हसुर्ने बुख्याँचा छ एउटा
यताउता हावा चल्दा हल्लिएझैँ गर्छ
मौका पाए आफै तुर्ने बुख्याँचा छ एउटा
कोमल मनको मान्छे हुँ म भन्नलाई भन्छ
सबथोक डकारेर घुर्ने बुख्याँचा छ एउटा
अभिनयमा पारङ्गत छ साँच्चै कलाकार जस्तो
दुम्सी स्याल घरमै पुर्ने बुख्याँचा छ एउटा
फिनी चोरिइसक्यो गहुँका गेडा गन्दै गर्दा
तेलको रोटी जस्तै फुर्ने बुख्याँचा छ एउटा ।
०००
बुटवल- ११, रुपन्देही
हाल हेटौँडा -४, मकवानपुर
Subscribe
Login
0 Comments
Oldest
