मरुभूमि नारायणहरायो मान्छेमा
अर्काकै दुःख पीडामा रमाउने बानी परिसक्यो यहाँ कैयौँका हृदयबाट दया माया मर्म हरायो मान्छेमा ।
मरुभूमिनारायण :
अपराधि बढे लगत्तै पाप बढ्यो धर्म हरायो मान्छेमा
लुट्ने ठग्ने चोर्ने भुट्ने धेरै भए कर्म हरायो मान्छेमा ।
उद्दत छ देश कला संस्कृति सभ्यता जरैदेखि मास्न
नग्नताकै महत्व छ नरमा लाज शर्म हरायो मान्छेमा ।
एकैघरमा बस्ने मान्छेले उही घरमा बस्नेलाई चिन्दैन
आलोपालो ऐचोपैँचो मेलापात पर्म हरायो मान्छेमा ।
अर्काकै दुःख पीडामा रमाउने बानी परिसक्यो यहाँ
कैयौँका हृदयबाट दया माया मर्म हरायो मान्छेमा ।
राम्रो देखिनु छ राम्री देखिनु छ यै चिन्ता छ सबैलाई
शिर पाउ पिठोले ल्याप्प पोते चर्म हरायो मान्छेमा ।
०००
तनहुँ
Subscribe
Login
0 Comments
Oldest
