नेपाली हास्यव्यङ्ग्य अनलाइन पत्रिका

महेन्द्र उपाध्याय :

कोही खास बनिसकेँ उसकाे म
ऊ सुनाउँछ सुनी बस्छु गुनासो म ?

तिमी पनि कम त हुँदै होइनौ साथी
तर दुनियाँ भनिरहेको छ राम्रो म ।

मलाई सक्न भनेर तिमी आफैं आयौ
त्यसैमाथि थिएँ कति सजिलो म ?

एकातर्फ तिमी अर्को तर्फ ऊ
रहे बिचमा रातभर अनिदो म ।

ईन्तजार रहने छ, अझै केही बेर
आशा बनेको छ तेल मेरो, बनेँ दियो म ।

अचेल त कस्तो कस्तो भएको छु ?
के यस्तै यस्तै थिएँ र तिम्रो म ?

उसले खोजेको म हुँदै होइन
ऊ अझै खोजी रहेको छ पुरानो म ।

मैले भने जसरी, भनी देखाऊ तिमी
हुँ नयाँ जादुगर गजलको म ।

०००
लम्कीचुहा, कैलाली