नेपाली हास्यव्यङ्ग्य अनलाइन पत्रिका

कृष्णप्रसाद पौडेल `जस्ताघरे´ :

यहाँ देश हाँक्ने नयाँ धार के छ ?
चमत्कार छर्ने समाचार के छ ?

प्रथा छन् नराम्रा यहाँ देशभित्र
बढारेर फाल्ने हुनाहार के छ ?

दुखेसा व्यथा छन् यहाँ निम्सराका
कहानी उतार्ने सविस्तार के छ ?

अहो ! लाज लाग्ने यहाँ वस्त्र धर्छन्
मिलाएर सिउँदै दिने प्यार के छ ?

हरे ! कृष्ण मानिस कुरा टार्न थाले
वचन सिद्ध गर्दै दिने सार के छ ?

०००
बट्टार, नुवाकोट । हाल: बालाजु,काठमाडौँ ।