लीलाराज दाहालकहाँ हुन्छ !
सबै कुरा ठीकठाक छ भनी हिँडे पनि भुइँमा गुड्ने मेसिनको उडान कहाँ हुन्छ ! अरूलाई ड्याक्ने अनि कुल्चन खोज्नेलाई सधैंभरि फूलमालाले सम्मान कहाँ हुन्छ !
लीलाराज दाहाल :
हुक्के, ढोके, हजुरेको अडान कहाँ हुन्छ
मागी गुजारा गर्नेको सान कहाँ हुन्छ !
देश अनि जनताको आउनै पर्छ तस्वीर
सकी नसकी गाएर राष्ट्र गान कहाँ हुन्छ !
सबै कुरा ठीकठाक छ भनी हिँडे पनि
भुइँमा गुड्ने मेसिनको उडान कहाँ हुन्छ !
अरूलाई ड्याक्ने अनि कुल्चन खोज्नेलाई
सधैंभरि फूलमालाले सम्मान कहाँ हुन्छ !
परोपकार र सेवा भावमा डुबी हेर साथी
ढुङ्गा अनि मन्दिरमा भगवान् कहाँ हुन्छ !
०००
बागमती-११, कर्मैया, सर्लाही
Subscribe
Login
0 Comments
Oldest
