नेपाली हास्यव्यङ्ग्य अनलाइन पत्रिका

लीलाराज दाहाल :

म त खाँट्टि झोले हुँ, पुजा गर्छु नेताको
अन्धभक्ती धर्म हो, नकराओ ठिटा हो
तिमी तीन हात उफ्रन्छौ, म पनि झोले उफार्छु
तिमी सिद्धान्त रट्दछौ, मचाहिँ धन थुपार्छु !

देश र जनता भन्या त, भन्ने कुरा मात्रै हुन्
पाँच बर्षमा एकपल्ट चुनावमा त चाहिने हुन्
अरु बेला त जनतालाई भुत्ल्याएरै राख्ने हो
हाम्रो बिरोध गर्नेलाई घोक्र्याएर फ्याँक्ने हो !

आदर्श र सिद्धान्त रछ्यानतिर फ्याँकेर
युवा अनि योग्यलाई अन्धकारमा राखेर
फेरि शासन गर्ने छौं, असलबाट खोसेर
देशको विकास गर्नेछौं कार्यकर्ता पोसेर !

०००
वागमती ११, कर्मैया, सर्लाही