सुदन लुइटेलचटकेलाई ठुलो कुर्सी
चटकेलाई ठुलो कुर्सी दिँदा आगो लगायो महोदय ठिक ठाउँमा ठिक मान्छे खटाउनुस् एउटा तानाशाह अब फेरि टाउको नउठाओस् अहङ्कारीको आँगनमै गएर धुलो चटाउनुस् ।
सुदन लुइटेल :
मान्छे चिन्न मिल्दो पावरको चश्मा लगाउनुस्
ज्यानमारा चिनेमा मज्जाले छातिमा बजाउनुस्
समय बदल्न घडीको सुइ बदल्ने होइन
काम गर्नेलाई छान्नुस् नगर्नेलाई हटाउनुस्
मालिकको गुलाम बनेर कति दौडिनु हुन्छ
श्रमिक किसान मजदुर बनेर जुत्ता फटाउनुस्
चटकेलाई ठुलो कुर्सी दिँदा आगो लगायो
महोदय ठिक ठाउँमा ठिक मान्छे खटाउनुस्
एउटा तानाशाह अब फेरि टाउको नउठाओस्
अहङ्कारीको आँगनमै गएर धुलो चटाउनुस् ।
०००
तिनथाना, काठमाडाैं
good