चार ठोक्तक
हिजो अरुकै घरको बासी भात घिचेर क्रान्ति गर्नेहरू पनि आजकाल त भात खाइसिन्न भुजा ज्युनार गरिबक्सिन्छ ।
१.
चोर चाहिँ खुलेआम मोजमस्ती गर्ने, जमाना आएछ
लुटिने चाहिँ चुप लागेर बस्दिनु पर्ने, जमाना आएछ
वास्ता नगराैँ मन नमान्ने उजुरी गरौ आफ्ना रिसाउने
चुपचाप चुपचाप तिनका झोली भर्ने, जमाना आएछ ।
२.
एक नेतो ऊ नै सबैभन्दा इमान्दारी भन्दैछ,
समाउने हो रे अब सब भ्रष्टाचारी भन्दैछ,
बेरोजगार भएर नै उसले राजनीति गरेको हो,
अब उसैले अन्त्य गर्ने रे बेरोजगारी भन्दैछ ।
३.
विगतलाई भुल्दै शहीदको सपनाको व्यापार गरिबक्सिन्छ
अपराधीलाई प्यार अनि निर्दोषलाई खबरदार गरिबक्सिन्छ
हिजो अरुकै घरको बासी भात घिचेर क्रान्ति गर्नेहरू पनि
आजकाल त भात खाइसिन्न भुजा ज्युनार गरिबक्सिन्छ ।
४.
फ्रिमा तालीम बस्ने खाने बिना ढेवा के
भोट हाल्नेलाई मात्र लाने बिना ढेवा के
इच्छुक भए सम्पर्क गर्नुस् हाम्रो कमरेडलाई
फ्रि टिकटमा विदेश जाने बिना ढेवा के ।
०००
मनहरी-५, मकवानपुर
(हाल दक्षिण कोरिया)