नेपाली हास्यव्यङ्ग्य अनलाइन पत्रिका

१.
चुनेका हौ मर्का बुझ्लाउ भन्ने भर लिएर
बदलामा हमला गर्‍यौ हामीलाई पत्थर लिएर
गाउँलाई शहर बनाउन सुरु भो खोतल्न खेतहरू
भत्काउँदै छौ रे गरिबका सपना डोजर लिएर ।

२.
भ्रष्ट, दलाल धपाउनुपर्छ अब लौरो लिएर,
धुपौरे हो, गर्न छोड चाकडी धुपौरो लिएर,
स्वाभिमानी जनता परदेशमा श्रम बेच्दैछ,
बैमानीहरू भिख माग्दैछन् कचौरो लिएर ।

३.
सगरमाथाको देश, फुलिन्छ छाति नेपाली भनेपछि
उम्लिन्छ रगत तातिन्छ माथ देश बेच्ने दलाली भनेपछि
नखोज्नु हेप्न, सोचेर कमजोर, देश सानै भए पनि
नाम मात्र सुन्दा, काम्छन् है दुस्मन गोर्खाली भनेपछि ।

०००
मनहरी- ५, मकवानपुर
हाल दक्षिण कोरिया