नेपाली हास्यव्यङ्ग्य अनलाइन पत्रिका

तिलकराज शर्मा पौडेल :

१.
मान्छेलाई मतिले जाँच्ने,
सुनलाई कसीले जाँच्ने ।
सुदिन्, कुदिन् जेसुकै होस् –
तिमिरलाई शशीले जाँच्ने ॥

२.
विकासको नाउँमा धर्ती, खन्दा सारा गैरो,
प्रकृतिको आँखो अन्धो, बन्दा कान बैरो ।
निम्छराका गुनासालाई्, केले हेर्नु कल्ले सुन्नु –
जहान मरे उठिबास भो, आउँदा बाढी पैरो ॥

३.
पहरोलाई छिचोलेर, पानीका बूँद रसाउनु – मूल हो साथी,
ठण्डी गर्मी नभनेर, कोपिलालाई फक्राउनु – फूल हो साथी,
यी प्राकृतिक व्यहोरालाई, अनदेखो गरी द्रव्यपिसाची बनेर –
पैसालाई बोल्न दिई, सत्य चुप लगाउनु- भूल हो साथी ।

४.
मनज्ञानको बुद्धि त पानीँदो र’च साथी,
धनपद्को कुरा पो मानिँदो र’च साथी,
नबिगारी सपार्ने मन्त, कोसँग पो नहोला र !
कुरा गर्न त जसले’नि जानिँदो र’च साथी ।

५.
ताजा फलफूलको रस भनेर, पानीमा मिसिएको, जुस नखाए है साथी,
जुम्ली मार्सीको भात् भनेर, चामलमा मिसिएको, भूस नखाए है साथी,
हामी कहाँ पनि रानापा. प्रभृतिले सरकारी ओत पाउँदैनन् कि अब त-
सेवाग्राहीले दिए क्यारे भनेर, कमिशनमा मिसिएको, घूस नखाए है साथी ।
(रानापा. अख्तियारका घुस्याहा राजनारायण पाण्डेको घटनापछि)

०००
चितवन