नेपाली हास्यव्यङ्ग्य अनलाइन पत्रिका

मेनाकुमारी र गजाधर घिमिरेका सुपुत्र डम्बर घिमिरे २००२ असार १ गते रावाखोला, खोटाङमा जन्मिनुभएको हो । स्नातक तहसम्मको औपचारिक शिक्षा लिनुभएका घिमिरे अध्यापन सेवाबाट निवृत्त हुनुहुन्छ । हाल कौशलटार, भक्तपुर बस्नुहुने घिमिरे ‘गङ्गाको घाटमा पूर्व फर्केर’ (२०२७) शीर्षकको रचना प्रकाशन गरी नेपाली साहित्यमा प्रवेश गर्नुभएको हो । उहाँका ‘तीतो पिरो’ (हास्यव्यङ्ग्य क्यासेट, २०५७), ‘घामपानी’ (हास्यव्यङ्ग्य मुक्तक, २०६१) लगायत झण्डै आधा दर्जन साहित्यिक कृतिहरू प्रकाशित छन् । घिमिरे डा. स्वामी प्रपन्नाचार्य चतुर्भुज पुरस्कार (२०६१), गोपालराज पन्त पुरस्कार (२०६८) लगायत झण्डै दर्जन साहित्यिक सम्मान तथा पुरस्कारबाट सम्मानित, पुरस्कृत हुनुहुन्छ । सम्पर्क : ९८४२०१८८९२