डम्बर घिमिरेउल्टी हुन थाल्छ
लोकतन्त्र सुन्दाखेरी सुल्टी हुन थाल्छ
निरङ्कुश कुरा सुन्दा उल्टी हुन थाल्छ ।
कम्पनिका मालिकले फोहोर चटाएर
मोटाएका भालु भुक्ता उल्टी हुन थाल्छ ।
ह्वाँ विदेशको नागरिक नेपालको साँडे
डुक्रिएको बोली सुन्दा उल्टी हुन थाल्छ ।
भ्रष्ट तथा परनारी देख्तामा हुरुक्क
स्वच्छ भई कुर्सी चड्दा उल्टी हुन थाल्छ ।
सञ्चारका साधनहरू बन्द गराउने
प्रजातन्त्रवादी देख्ता उल्टी हुन थाल्छ ।
देशको आधा अर्थतन्त्र भालुको भुँडीमा
दानवीर अफिस उही खोल्छ उल्टी हुन थाल्छ ।
धरमपुर, झापा
Subscribe
Login
0 Comments
Oldest
