नेपाली हास्यव्यङ्ग्य अनलाइन पत्रिका

‘सरस’ उपनामबाट साहित्य सिर्जना कार्यमा समुपस्थित डा.हरिप्रसाद सिलवाल प्राध्यापन पेशामा संलग्न हुनुहुन्छ । अनुसन्धान, समीक्षा र सिर्जनात्मक कार्यमा विशेष रुचि राख्नुहुने सिलवाल हास्यव्यङ्ग्य निबन्ध सिर्जनामा सक्रिय हुनुहुन्छ । ‘नव आकाश’ (२०५५), ‘रमेश विकलको कथाकारिता’ (२०७०), ‘संकलित समालोचना’ (२०७०), ‘नेपाली प्रगतिवादी कविताको इतिहास’ (२०७४), ‘दिल पौडेलका साहित्यिक कृतिहरूको विश्लेषण’ (२०७६) सिलवालका प्रकाशित कृतिहरू हुन् । ‘कुराको कुरौटो’ (२०७७) हास्यव्यङ्ग्य निबन्ध संग्रह लगायत फित्कौली डटकममा दर्जनभन्दा बढी उहाँका निबन्ध र हास्यव्यङ्ग्य कृतिका समीक्षा समेत प्रकाशित भएका छन् । अहिले सिलवाल फित्कौली डटकमका नियमित स्तम्भकार हुनुहुन्छ ।