इन्दिरा प्रयासबा
सन्तान हाँस्दा सब कष्ट बिर्सी दियौ भरोशा सुबिधा नतर्सी कर्तव्य ठानी सहदै तमाम डटेर दिन्थ्यौ रसिला खजाना । संसार जित्ने कसरी हार्यौ बा धरा अध्यारो टुहुरा पार्यौ बा बा दुःख बुझ्छन् नगरी ढिलाई छ याद तिम्रो गुनिलो मलाई ।
इन्दिरा प्रयास :
बा दीप मेरा अब सम्झनामा
रहन्छु तिम्रो म त कल्पनामा
सम्झिन्छु तिम्रा सपना अतुल्य
सधैं रहन्छौ जगमा अमूल्य ।१।
बा हुन् सबैका सुख दुःख मित्र
म भेट्छु तिम्रो ममता विचित्र
ताते सिकायौ तव हिँड्न थालेँ
सिकेर खुट्टा सजिलै उचालेँ ।२।
कोर्दै धुलोमा कखरा लेखायौ
सुयोग्य बन्ने पथ जो देखायौ
ठूलो कला हो परिवार हाक्ने
मुहार लाग्थ्यो कहिले नथाक्ने ।३।
सन्तान हाँस्दा सब कष्ट बिर्सी
दियौ भरोशा सुबिधा नतर्सी
कर्तव्य ठानी सहदै तमाम
डटेर दिन्थ्यौ रसिला खजाना ।४।
संसार जित्ने कसरी हार्यौ बा
धरा अध्यारो टुहुरा पार्यौ बा
बा दुःख बुझ्छन् नगरी ढिलाई
छ याद तिम्रो गुनिलो मलाई ।५।
०००
सानोठिमी, भक्तपुर ।
Subscribe
Login
0 Comments
Oldest






































