नेपाली हास्यव्यङ्ग्य अनलाइन पत्रिका

कविराज घिमिरे :

बाबु हुन् कि वा हुन् पितामह ।
मातृ वा बजै मिष्ट हुन् मह ।।
छन् फूपू दिदी साथमा भने ।
भाग्य सम्झिनू देव यी बने ।।१

वृद्ध छन् भने चल्छ त्यो घर ।
बन्दछन् यिनै वंश नोकर ।।
पर्दछन् सदा छेउ बालक ।
सभ्यता दिने श्रेष्ठ चालक ।।२

फाल्दछन् निशा ल्याउँछन् दिन ।
स्वच्छता दिने वृद्ध हुन् चिन ।।
हेर राम्ररी वृद्धका व्यथा ।
घाउमा दिनू औषधी यथा ।।३

मूल हुन् यिनी हुन्छ सिञ्चन ।
गर्दछन् निका दिव्य चिन्तन ।।
योजना दिने राष्ट्रको मियो ।
वृद्धले निभे बाल्दछन् दियो ।।४

त्याग वृद्धले क्रोध घात हो ।
मौनता लिनू बाझ्नु मात हो ।।
मान थामियोस् ओज गाइयोस् ।
वृद्ध धन्य हुन् सुन्न पाइयोस् ।।५

०००
भक्तपुर