नेपाली हास्यव्यङ्ग्य अनलाइन पत्रिका

“मन त मलाई पनि छ । तिम्रो र हाम्रो चलन नै मिल्दैन । त्यसैले हामी जोडिने हैन टाढिने काम गरौँ । “चन्द्राको कुराले खत्री जेठाको मन निराश भयो ।

रोजीरोटी खोज्दै खत्री भारतको नागालायन पुगेको थियो । सुरुमा घरपरिवारको यादले छटपटिन्थ्यो । त्यहीँको रहनसहनमा भिजेपछि भूमि,ःजायजेथा र आफन्त सबै बिर्सियो ।

ऊ चन्द्राको रूप र लावन्यमा लठ्ठियो । बाँकी जीवन उसैसँग विचरण गर्ने ठहर गर्यो । नेपाल लगेर कान्छी पत्नी बनाउने सोच बनायो । मन खोल्दा चन्द्राबाट पाएको जवाफले उसलाई झट्का लाग्यो ।

“मैले के गरे तिमी मेरी हुन्छ्यौ ?” खत्रीको प्रश्नको जवाफमा चन्द्राले ठाडै भनी; “म तिमीसँग पोइल जाने हैन तिमी नै मसँग जोइल आउनुपर्छ ।”

खत्री सोचमा डुब्यो । त्यही मौकामा अझ डुबाउने इरादाले भनी; “तिमी पितृसत्ताका उपज हौ । म मातृसत्ताकी । तिमीले सत्ता बदल्यौ भने मेरो बन्ने योग्यता तिमीलाई प्राप्त हुन्छ ।”

सिद्धार्थटोल, उदयपुर ।