साइबर अपराध सम्बन्धी सचेतना सामग्री

चम्चा

चम्चाले खुसी हुँदै भन्यो - भान्छामा जहाँबाट भए पनि आउने सबै राम्रा र मिठा खानामा पहिले म नै स्वाद लिन्छु । मेरो स्वादबिना मालिकले स्वादै पाउँदैनन् । मेरो मूल्य यत्ति धेरै छ कि हरेक मिठो खानेकुरासित मालिकले मलाई पनि मुखमा हाल्छन् ।

Nepal Telecom ad

सञ्जय साह मित्र :

चम्चाले धाक लगायो- म बिना कसैको काम चल्दैन । जहाँ म छैन, त्यहाँ बज्रस्वाँठहरू मात्र रहन्छन् । र, जहाँ बज्रस्वाँठहरू हुन्छन्, त्यहाँ म एकछिन टिक्दिनँ । चिनेको भाँडोले चम्चालाई मुखभरिको जवाफ दिनै सक्दैन । बरु चुप लाग्यो भने दुवैले आफ्नै विजय भएको ठान्छन् । यद्यपि एउटा अपरिचित नयाँ भाँडोले चम्चाको कुरो सुनेर बोल्यो – चम्चा साहै्र कमलो हुन्छ । घामपानी हेर्नुपर्दैन । घरभित्रैको काम गर्छ । यसैले सबैको प्रिय हुन्छ । चम्चाजस्तो सुकुमारले त बाहिरको घाममा काममा सक्दैन होला ।

अलिकति आँखा तरेर तर चमकले चम्काएर चम्चाले चर्चा गर्‍यो – चम्चाको जातले सधैँ सेवा गर्छ । सेवामा नै मेवा देख्छ । पाकेको मेवालाई पनि काट्छ । जति काटे पनि र जति खाए पनि चम्चा कहिल्यै मोटाउँदैन । अपरिचित भाँडो अलिक मूर्ख थियो क्यारे । चम्चाले आफ्नो इज्जतको बखान आफैँले गरेको हो कि आफूलाई नै हेपेको हो, छुट्याउन सकेन ।

उसले सोध्यो – चम्चाज्यू, तपाईं कसरी यत्ति धेरै काम गर्नुहुन्छ ?

चम्चाले खुसी हुँदै भन्यो – भान्छामा जहाँबाट भए पनि आउने सबै राम्रा र मिठा खानामा पहिले म नै स्वाद लिन्छु । मेरो स्वादबिना मालिकले स्वादै पाउँदैनन् । मेरो मूल्य यत्ति धेरै छ कि हरेक मिठो खानेकुरासित मालिकले मलाई पनि मुखमा हाल्छन् । मैले मालिकको मुखमा पनि विश्वास जमाएको छु । मालिकको लागि मिठो खानाको मालिक म नै हुँ ।

चम्चाको मालिक भक्ति देखेर नयाँ अपरिचित भाँडोले भन्यो- तपाईँको महिमा अपरम्पार छ । मलाई कुनै काम मिलाइदिन सक्नुहुन्छ कि ? मलाई त ठुलो पसलबाट मालिकले उठाएर ल्याउनु भएको छ ।

चम्चाले सगर्व उद्घोष गर्‍यो – म जुन भाँडोमा हुन्छु, त्यसैलाई रित्याउँछु । तिमी के गर्न सक्छौ ?
नयाँ भाँडोले केही बुझ्नै सकेन । निस्कन खोज्दै उसले जवाफ दियो – मैले जवाफ दिने हिम्मत जुटाएर फेरि आउने छु कुनै दिन । बाटोभरि नयाँ भाँडोको मनमा खेलिरह्यो – चम्चाजस्तो भक्तको जीवन सार्थक हुन्छ ।

०००
रौतहट

Subscribe
Notify of
guest

0 Comments
Oldest
Newest Most Voted
Nepal Telecom ad
अवैध कुखुराको चल्ला

अवैध कुखुराको चल्ला

सञ्जय साह मित्र
पागलको पनि पापी पेट हुन्छ

पागलको पनि पापी पेट...

सञ्जय साह मित्र
परिधानको भद्र आन्दोलन

परिधानको भद्र आन्दोलन

सञ्जय साह मित्र
दुइमुखे म

दुइमुखे म

सञ्जय साह मित्र
हात्ती पाटी

हात्ती पाटी

सञ्जय साह मित्र
नागरिकता

नागरिकता

सञ्जय साह मित्र
0
Would love your thoughts, please comment.x
()
x