नेपाली हास्यव्यङ्ग्य अनलाइन पत्रिका

रमेश समर्थन :

“लौ त मलाई कृषि अनुदान चाहियो ।”
“कृषि गर्नुहुन्छ ?”
“गर्छु नि ।”
“के गर्नुभा छ ?”
“कौसीको गमलामा दुईवटा फूल रोपेको छु । अनुदान नपाएर सुक्न लागे । छिटो चाहियो ।”
“त्यत्तिका लागि त पाइँदैन ।“
“किन पाइँदैन ? चाहिएपछि पाइँदैन ?”

“तपाईंको परिचय ?”
“अमुक पार्टीको वडा समितिका अध्यक्ष मेरा साख्खै दाइ ।”
“कति चाहिएको हो ?”
“चाहिएजति पाइन्छ ?”
“पाइएजति चाहिन्छ ?”
“चाहिन त नेपालकै बजेट चाहिन्छ नि ।”
“ठट्टा नगर्नुस् न ।”
“दस लाख भए अरु खोजखाज गरम्ला ।”

“धितो के राखम् ?”
“तिनै गमला राख्ने र नपुगे दाइको नाम राख्ने । त्यतिले पनि नपुगे दस हजार दाम राख्ने ।”
“बस्दै गर्नुस् । काम हुन्छ ।”
“दाइलाई नाम भनम्ला ।”

०००
रुपन्देही