नेपाली हास्यव्यङ्ग्य अनलाइन पत्रिका

रमेश समर्थन :

१.
हीनतामा बाँच्ने पनि जोसिलो र तगडा हुन्छ
चिहानको मुर्दा पनि जुर्मुराउँदै खडा हुन्छ
अन्यायले भरिएको घडा अब फुट्छ, फुट्छ
जनताको आँसु जब आगोभन्दा कडा हुन्छ ।

२.
जति लेखे पनि सुतेका मान्छेलाई जगाउन सकिनँ
म कराइरहेँ तर तिनीहरूको निद्रा भगाउन सकिनँ
आँसु नबगाउने सजीव होइन, निर्जीव हुन्छ भन्छन्‌
आँसु मसँग पनि छ तर निष्प्रयोजन बगाउन सकिनँ ।

३.
अन्धकारमा प्रकाश त्यसै हुन्छ ?
उज्यालो त्यो आकाश त्यसै हुन्छ ?
मान्छे मारेर सालिक बनाउनुपर्छ
अग्रगामी विकास त्यसै हुन्छ ?
४.
धेरै चुलिएपछि पोखिनुपर्छ
तिखा काँटीलाई ठोकिनुपर्छ
एकनासको प्रगति कसको छ र
कहीँ न कहीँ गति रोकिनुपर्छ ।

०००
रुपन्देही
बदनाम आँचल (२०८२)