नेपाली हास्यव्यङ्ग्य अनलाइन पत्रिका

श्रीप्रसाद पोखरेल :

आफ्नो छेउमै ठूलो कद लिएर ठडिएको महललाई सानो झुप्रोले सोध्यो, “हन ए दाइ के खायौ र यति छिटो मोटायौ ?
महलले रवाफका साथ जवाफ दियो, “मोटाउनलाई पोषक तत्व खानुपर्छ थाहा छैन ?
सुकेनास लागेको झुप्रोले पुनः सोध्यो, “यो पोषक तत्व कहाँ पाइन्छ ?”

महल, गाँउबाट जागिर खाँदै राजनैतिक नेताहरूको आडमा शहर पसेर खोलाको आडैमा आएर बसेको थियो । आफूलाई त्यस ठाँउमा उभ्याउन उसले लगभग दुई करोड लगानी गरी दुई वर्ष लगाएको थियो । आउने जाने सबै महललाई हेर्दै तारिफ गर्थे ।

झुप्रो र महलको सम्वाद चलिरहेको थियो । हेर्दाहेर्दै खोलाले आफ्नो रुप परिवर्तन गर्न लाग्यो । बाध्य भएर खोलाले आफूमाथि भएको अत्याचारको प्रतिवाद गर्यो । महललाई निमेष भरमा झुप्रो भन्दा होचो बनाइदियो ।

०००
काठमाडौं