नेपाली हास्यव्यङ्ग्य अनलाइन पत्रिका

श्रीप्रसाद पोखरेल :

‘बाउ हौ ! एउटा कट्टु किनिदेउ न’ कटकटिएको बाहुलाले सिँगान पुछ्दै भुन्टेले भन्यो ।
अँगेनाको अगुल्टो ठोस्दै ‘तेरी आमालाई एउटा मजेत्रो किन्न सकिएको छैन’- भुजेल कान्छोले मनमनै भन्यो ।

थालमा फ्याप्लो पस्किदै ‘उ हेर त ! ढुकुर भाग्न आँटिसके’ प्याकुलीले भुन्टेको गुप्ताङ्ग देखाइन् ।
चोलाको ठाँउठाँउबाट कान्छीको लाजले पनि चियाएर कुरा सुनिरहेको थियो । कान्छाले पुर्पुरोमा हात लगाएर फ्याप्लो खाएको घुँडोले हेरिरहेको थियो ।

‘ल्याउँन त हुन्थ्यो नि …!” भुजेल कान्छो फत्फतायो ।
‘त्यही भाले बेचेर भए पनि ल्याइदेउन त’ कान्छीले समाधानको उपाय बताई ।

निदाएको भुन्टेको दुई तिघ्रा पछाडिको कुरीकुरी, यो छलफलमा सहभागी थियो । भुन्टेले नसुने पनि कुरीकुरी खुशी भयो ।

०००
इटहरी, सुनसरी