नेपाली हास्यव्यङ्ग्य अनलाइन पत्रिका

सुरेशकुमार पाण्डे :

“सबै मानिसहरू बराबर नै हौँ । जातले कुनै पनि ठुलो सानो हुँदैन। हामी विध्यालयमा सँगै जसरी मिलेर पढाई गरिरहेका हुन्छौँ त्यही प्रकारले समाजमा पनि सहकार्य गर्नुपर्छ।” हेड सर छविलालले विध्यालयमा सुक्रवारिय कार्यक्रमको द्वौरानमा सबैलाई सम्वाेधन गर्दै भने।

प्रचण्ड गर्मी परेकोले विध्यालयले भोलिपल्ट सर्वतको मिठो पानी बनाएर आम जनमानसमा पियाउने निधो गर्यो विध्यालयको बाहिर, छुट्टीको दिनलाई सदुपयोग गर्ने भन्दै।

कार्यक्रमपछि उक्त कार्यका लागि सटिकमा विध्यालयका सबै कर्मचारी स्टाफहरूको मिटिङ्ग बस्यो।

बजारबाट समान लिएर आउने लगायतका कयौँ कार्यमा कतै कसैको विवाद आएन सर्वसम्मतिले टुङ्गियो।

“यो पानी पियाउने टोलीमा रामे, चामे र मिरालाई हटाएर अरू बालकलाई जिम्मा दिनुपर्छ।”- हेड सर छविलालले लिष्टमा चिनाे लगाउँदै प्रस्ताव राखे।

“किन सर ? यिनी बालक अत्यन्तै सिपालु छन् नि यो काममा ।”- अर्का एकजना मास्टरले बच्चाहरूको प्रशंसा गर्दै सोधे।

“नालायक त मैले पनि भनिनँ तर यो गाउँ भनेको ब्राहमणहरूको बाहुल्य भएको गाउँ हो । यहाँ विवाद नहाेस् भन्ने हेतुले भनिएको हो। -हेड सर छविलालले सुझाव दिए।

ब्यानरमा भने ‘समानताका लागि हाम्रो अभियान’ लेखिएको थियो ।

०००