श्रीप्रसाद पाेखरेलछोइछिटो
म एकोहोरो भएर सुनिरहेको थिएँ, त्यसै समयमा लोहोरोले भन्यो, “हुन्देउ आमा ! यी मानिस आफै विभेदकारी हुन् । आफ्नै सजातीयलाई त छोइछिटो गर्छन् हामीलाई के बाँकी राखून् ?”
श्रीप्रसाद पोखरेल :
आज आफ्नै हातले पकाएर मिठो पारेर खाने सोचेर मसला पिस्न बाहिर निस्किएँ । सिलौटो दुखि मुद्रामा देखेर ठिङ्ग उभिएँ ।
“के भद्रो हेरेका । मनमोजी दल” सिलौटोले भन्यो । मसला त पिस्नै थियो । छेउमा बसेँ । टिठ लाग्दो हेराइले हेर्दै सिलौटोले भन्यो, “सँगैका साथीहरू खोलामा रमाएर बसेका छन्, आफूभने रातोदिन पिसिनु परेको छ ।”
मसला पिस्न मेरा हातै लागेनन् । सिलौटो भन्दै थियो, “तिमी मानिसहरू कसैलाई सालिग्राम भनेर पुज्छौ, कसैलाई सिलौटो बनाएर दल्छौ । आखिर हामी एकै आमाका सन्तान त हौँ नि” सिलौटोले मानिसले गरेको बिभेद प्रस्ट्याउन खोज्यो ।
म एकोहोरो भएर सुनिरहेको थिएँ, त्यसै समयमा लोहोरोले भन्यो, “हुन्देउ आमा ! यी मानिस आफै विभेदकारी हुन् । आफ्नै सजातीयलाई त छोइछिटो गर्छन् हामीलाई के बाँकी राखून् ?”
०००
इटहरी, सुनसरी
Subscribe
Login
0 Comments
Oldest
