नेपाली हास्यव्यङ्ग्य अनलाइन पत्रिका

श्रीप्रसाद पोखरेल :

“बाबा ! उ हेर्नु त हाम्रो बुकको जस्तै इलिफेन्ट” दश वर्षे श्रीधरले चितवनको सौराहामा हिँड्दै गरेको हात्तीलाई देखाएर भन्यो ।
“छोरा ! त्यो त हात्ती हो ।”
“अँ ! मेमले त इलिफेन्ट भन्नु हुन्छ” बालहठ बोल्यो ।
“गणेश भगवानलाई त्यसो भन्न हुदैन छोरा” बाबाले हात्ती प्रति श्रद्धाभाव व्यक्त गर्न सिकाए ।
हाम्रो गाउँमा हात्तीले घर भत्कायो, बाली नाश गर्‍यो भनेको हैन ?
नेपालका जङ्गल नजिकका बस्तीमा हात्ती पसेर धेरै जनधनको क्षति गर्नेगरेको छ । गाउँबस्ती पुरै आतङ्कित छ । गाउँलेहरू रातभर जाग्राम बस्नुपर्ने । हात्ती आइहाले लालाबाला लिएर भाग्नुपर्ने तयारीमा हुन्छन् ।

“हामीलाई त भगवानले केही गर्नुभएन नि !” श्रीधरलाई बाबाले अझै सम्झाउने प्रयत्न गरे ।

“गणेश भगवान भए हात्तीले किन बिज्याइँ गरेको त ?“ भगवानले त सबै मानिसलाई राम्रो गर्छन् हैन ?” श्रीधरको वाण बाबा तिर फर्कियो ।

“भगवानलाई त्यसो भन्दा विपत्ति आउँछ । हिँड, नजिकै गएर ढोग्नुपर्छ” श्रीधरले सद्भावनाको अर्को अश्र हाले ।

हात्ती माथिको माउतेलाई देखाउँदै उसले आफ्नो जिकिर कायम राख्यो “ म त ढोग्दिनँ । ऊ त्यो मान्छेले लात्ताले हान्दा हुने मैले चाहिँ ढोग्नुपर्छ ?”

०००
इटहरी, सुनसरी