नेपाली हास्यव्यङ्ग्य अनलाइन पत्रिका

जगदीश्वर पाेखरेल :

उद्योग खोल्न नसके युवती विदेश
जान्छन् युवा जति सबै पछि पर्छ देश
बढ्दै छ खर्च ऋण झन् ननिको रिवाज
घाँडो भयो मुलुकमा गणतन्त्र आज ।।१

कुर्सी लडाइँ पदको नहुने विकास
बादा हजारतिर छन् कम छन् निकास
ध्वस्तै भयो गहकिलो घरको समाज
घाँडो भयो मुलुकमा गणतन्त्र आज ।।२

आफ्नै छ झुन्ड दलको दिनरात जुट्छन्
मिल्दैन स्वार्थ जसको दिनरात फुट्छन्
जोगिन्छ देश जनता शिरपोस ताज
घाँडो भयो मुलुकमा गणतन्त्र आज ।।३

लुट्ने नवीन तरिका रचना गरिन्छ
नेपाल देश जनता सहजै सकिन्छ
घन्किन्छ भाषण सदा तर छैन लाज
घाँडो भयो मुलुकमा गणतन्त्र आज ।।४

उद्योग कौशल सबै किन पर्छ घाटा
उठ्दैन देश यसरी किन बन्नु बाठा
साँच्चै अफाप सरि भो’ किन गर्छ राज
घाँडो भयो मुलुकमा गणतन्त्र आज ।।५

०००
कलङ्की, काठमाडाैं