नेपाली हास्यव्यङ्ग्य अनलाइन पत्रिका

यहाँ सधैं नेता बन्छ, कार्यकर्ता बन्छ
भन्नुस् त मन्त्रीज्यू देश कहिले बन्छ ?

साइकल चड्न नसक्ने नेता गाडी चड्छ
झुप्रोमामा बस्ने तिम्रो कार्यकर्ताले
सहरमा दुईचारवटा घरघडेरी छ भन्छ
बिचरा जनता सधैं, जहाँको तहीँ रहन्छ
हैन हो नेता ज्यू देश कहिले बन्छ ?

प्रजातन्त्र आयो एक थरी बने
लोकतन्त्र आयो अर्को थरी बने
गणतन्त्र आयो फेरि अर्को थरी बने
जुन तन्त्र आए पनि यहाँ
न त जनता बन्छ न देश बन्छ
खाली नेता र कार्यकर्ता मात्र बन्छ

मलाई यो देश बनेको हेर्न कस्तो मन छ
लौ भनेदेउन हो नेताज्यू,
यो देश कहिले बन्छ ?
झनातिको पालामा बन्छ
कि खनातिको पालामा बन्छ ?
अब त नढाँटन यसरी
भन्देउन हो नेताज्यू ठ्याक्क,
यो देश कहिले बन्छ ?

काठमाडौं