नेपाली हास्यव्यङ्ग्य अनलाइन पत्रिका

१)
नेताहरु छानाछान पार्टी फुटेपछि
कार्यकर्ता तानातान पार्टी फुटेपछि
कम्निष्ट मात्रै हुन् कि अन्त पनि हुन्छ
सत्तोसराप हानाहान पार्टी फुटेपछि !

२)
तपाईं ब्युँझनुहोस् भनेर बोलाएको हुँ
मत्थर होस् आक्रोस भनेर बोलाएको हुँ
निषेधाज्ञा छ कोरोना छ निराशा पनि छ
फर्काइ दिनुहोला जोश भनेर बोलाएको हुँ !

३)
म हार तिमी जीत यस्तै हो जिन्दगी
म तिर्खा तिमी धीत यस्तै हो जिन्दगी
बनाउनेले सम्वन्ध नि फरक फरक बनाए
म शत्रु तिमी मीत यस्तै हो जिन्दगी !

बागमती, सर्लाही