प्रेम ओली ढकलपुरेरक्सीको आविष्कारक
को रहेछ यसको आविष्कारक ? त्यसलाई भेटे त खुशीले त्यसको टाउकाको रौँ कुखुराको भुत्ला उखले झैँ उखल्थे अहिलेसम्म रक्सीमा गाको धन एक एक असुल्थे ।
प्रेम ओली ढकलपुरे :
पहिले नखाउँ नखाउँ लाग्ने
लागेपछि भट्टी छोडी नजाउँ नजाउँ लाग्ने
खुशी भए, खुशी मनाउन खाने
दुःख भए, दुःख मेटाउन खाने
शोक चले नि खाने
झोँक चले नि खाने
घरबार सकिए पनि पिर छैन
घरबार बिग्रे पनि पिर छैन
को रहेछ यसको आविष्कारक ?
त्यसलाई भेटे त खुशीले
त्यसको टाउकाको रौँ
कुखुराको भुत्ला उखले झैँ उखल्थे
अहिलेसम्म रक्सीमा गाको धन
एक एक असुल्थेँ ।
०००
काठमाडौं
