सुभाषचन्द्र देवकाेटाआऊ आजै रमाऊँ !
स्वार्थ र बेइमानीको जीवन कति जिउनु, लुट खोसमा कति रमाउनु, आऊ एकपटक, आफैसित विद्रोह गरौँ, भोलि त के हो के हो आऊ आजै रमाऊँ !
सुभाषचन्द्र देवकाेटा :
आऊ आजै रमाऊँ,
भोलि त के हो के हो !
मनका तुस फलौँ,
विद्वेश र द्वन्द्वका पर्खाल भत्काऊ,
भोलि त के हो के हो,
आऊ आजै रमाऊँ !
कमजोरीहरु सच्याऊ,
दुखेका मनहरु जोडौँ,
भोलि त के हो के हो,
आऊ आजै रमाऊँ !
प्रशंसामा नभुलौँ,
आफूले आफ्नै समीक्षा गरौँ,
गल्ती सच्याऊँ,
भोलि त के हो के हो,
आऊ आजै रमाऊँ !
सरुवा र बढुवाको
कुरामा नभुलौँ
अलिकति इमान
देशको लागि पनि छुट्टयाऊ,
भोलि त के हो के हो,
आऊ आजै रमाऊँ !
स्वार्थ र बेइमानीको जीवन कति जिउनु,
लुट खोसमा कति रमाउनु,
आऊ एकपटक,
आफैसित विद्रोह गरौँ,
भोलि त के हो के हो
आऊ आजै रमाऊँ !
भोलि त के हो के हो
आऊ आजै रमाऊँ !
०००
गाेरखा
Subscribe
Login
0 Comments
Oldest
