रमेश खकुरेलबेश मै त हुँ
बाबु दास हुन् भन्न सक्छु म, जेसुकै भनुन् सुन्न सक्छु म, नोटको बिटो गन्न सक्छु म, देश नै परे बेच्न सक्छु म ।
दान आउला खान पाउँला
गोठ छाउँला कोट लाउँला
नोट बेंकमा राख्न जाउँला
चम्चमी नयाँ कार ल्याउँला ।।
बाबु दास हुन् भन्न सक्छु म
जेसुकै भनुन् सुन्न सक्छु म
नोटको बिटो गन्न सक्छु म
देश नै परे बेच्न सक्छु म ।।
व्यर्थशास्त्रको विज्ञ मै त हुँ
अर्थशास्त्रको अज्ञ नै त हुँ
राजनीतिमा भाँड बन्दछु
युद्ध आउने मार्ग खन्दछु ।।
काठमाडौं
Subscribe
Login
0 Comments
Oldest
