रमेश खकुरेलगधाको सवारी
गधा जान खोज्दैछ आफै अगाडी, सवारी भने हाँक्न खोज्ने पछाडी, न उस्को इशारा गधा बुझ्न सक्छ, गधा खोज्छ के ऊ न त बुझ्न सक्छ ।
थियो एक मान्छे गधामा चढेको
मुखै चाहिँ उल्टो फिराई बसेको
गधा फर्किएको थियो पुर्व तर्फ
उता उ भने वारुणीप्रन्त तर्फ
गधा जान खोज्दैछ आफै अगाडी
सवारी भने हाँक्न खोज्ने पछाडी
न उस्को इशारा गधा बुझ्न सक्छ
गधा खोज्छ के ऊ न त बुझ्न सक्छ ।
छडीले ठटाएर हिँड्मात्र भन्छ
रिसाएर गाली अनेकौं निकाल्छ
कि ता हान्छ लात्ती किता दिन्छ मुड्की
अनेकौं घरी लाउने गर्छ धुर्की ।
काठमाडौं
Subscribe
Login
0 Comments
Oldest
