नेपाली हास्यव्यङ्ग्य अनलाइन पत्रिका

भात खानलाई तरकारी नै किन चाहियो
गुन्द्रुक भट्टमासको तिउन भए पनि हुन्छ ।
जागिर खानलाई अधिकृत नै किन चाहियो
माल-भन्सारको पाए पिउन भए पनि हुन्छ ।।

कोही भन्छन् हीराको भाउ बढेको छ
कोही भन्छन् जिराको भाउ बढेको छ ।
कोही भन्छन् ममचाको भाउ बढेको छ
म भन्छु- अचेल चम्चाको भाउ बढेको छ ।।

कसैलाई नुन प्यारो लाग्छ
कसैलाई सुन प्यारो लाग्छ ।
कसैलाई मार्सी प्यारो लाग्छ
नेतालाई कुर्सी प्यारो लाग्छ ।।

दिनका दिनजस्तो सुनको समाचार सुन्दा
नेपालमा स्वणर्युग आएजस्तो लाग्छ ।
दिनका दिनजस्तो नेताको भाषण सुन्दा
नेपालमा दिनहुँ गोरु पनि ब्याएजस्तो लाग्छ ।।

नागार्जुन न.पा.-१, रानीवन, काठमाडौँ
९८४१४९१०८१