नेपाली हास्यव्यङ्ग्य अनलाइन पत्रिका

सरकार हरायो भन्छन् सरकार चाहिँ गयो कता
जनताको घरमा दुःख पस्यो लम्पसार छ रे उता
सरकार गड्यौला जस्तो घिस्रदै छ रे भर्खर
बिध्न बाधा जनतालाई हो सरकारलाई के को डर ।

सरकार बाढीमा डुब्दैन न पर्छ भेल पहिरोमा
सरकार मँहगीमा चेपिदैन न घिस्रिन्छ हिलो गहिरोमा
सुतेको थियो रे सरकार कानमा तेल हाली उता
-याल चुहेर भिजेछ तकिया अनि सिरक ।

सरकार भित्र घरझगडा भाग बिलो नपुगेर
कोही अटाए तराजुमा कोही उछिटिए निचोरिएर
सरकारलाई दमको रोग चिसोबाट बच्नु पर्ने
त्यसैले होला सरकार बाहिर तिर नभेटिने ।

भाग बिलो बाँडफाँड देश लथालिङ्ग भो
एउटाको भागमा कलम अर्को रुखमा जिल्ला भो
सूर्यमा ग्रहण लागेछ हँसियाहथौडा सिका लागे
छाता गिलास बेपत्ता छन् सरकार आफ्नो धुनमा छ रे ।