कृष्ण बाउसेउसले मोज गर्यो !
उसले मोज गर्यो ठालु भएर मैले सहिरहेँ लजालु भएर जानैसकिन टाढिएर जोत्नु जोतिएँ नारिएर । उसले मोज गर्यो चम्चा भएर ... उसले मोज गर्यो गम्छा भएर ... ।
उसले मोज गर्यो चम्चा भएर
घोट्टिइरहेँ म डाडु भएर
भुइँ बढार्ने झाडु भएर
मौका नखोज्ने गाँडु भएर ।
उसले मोज गर्यो चालु भएर
गलिरहेँ म आलु भएर
घोच्नै सकिन काँटी भएर
हान्नै सकिन लाठी भएर ।
उसले मोज गर्यो गम्छा भएर
मेरो सर्वाङ्ग सुम्सुम्याएर
बसिरहेँ म राती भएर
देवीथानकी पाती भएर ।
उसले मोज गर्यो ठालु भएर
मैले सहिरहेँ लजालु भएर
जानैसकिन टाढिएर
जोत्नु जोतिएँ नारिएर ।
उसले मोज गर्यो चम्चा भएर …
उसले मोज गर्यो गम्छा भएर …
उसले मोज गर्यो ठालु भएर ….
उसले मोज गर्यो चालू भएर …
उसले मोज गर्यो !
उसले मोज गर्यो !!
उसले मोज गर्यो !!!
हाल, काठमाडौं
Subscribe
Login
0 Comments
Oldest
