कृष्ण बाउसेशीर्षस्थानका पुजारी
तर, त्यस दिनदेखि उनीहरू आफैं बहिरा भएका छन् अन्धा भएका छन् त्यस आसनमा बसेपछि त जो पनि अन्धो हुँदो रहेछ कि कसो ? हिजो आज त उनीहरू पनि पुरानैहरू जस्तो केवल शीर्षस्थानका पुजारी भएका छन् ।
कृष्ण बाउसे :
हाम्रा आँखाहरूमा पट्टी बाँधिएका थिए
खोलेर उनीहरूले देख्ने बनाइदिए ।
हाम्रा कानहरूमा फेसा ठोकिएका थिए
झिकेर उनीहरूले सुन्ने तुल्याइदिए ।
हाम्रा मुखहरूमा बुजो खाँदिएका थिए
आफलेर उनीहरूले बोल्ने अवसर जुटाइदिए ।
हामी उनीहरूप्रति साँच्चै नै आभारी भयौं
र उनीहरूलाई
काँध-काधमा उचालेर
शीर्षस्थानमा पुऱ्याइदियौं ।
तर, त्यस दिनदेखि
उनीहरू आफैं बहिरा भएका छन्
अन्धा भएका छन्
त्यस आसनमा बसेपछि त
जो पनि अन्धो हुँदो रहेछ कि कसो ?
हिजो आज त उनीहरू पनि
पुरानैहरू जस्तो
केवल शीर्षस्थानका पुजारी भएका छन् ।
०००
काठमाडौं
यस्ताे उद्घाेष गर्छु (२०५७)
Subscribe
Login
0 Comments
Oldest
