नेपाली हास्यव्यङ्ग्य अनलाइन पत्रिका

अलिकता राष्ट्रियता-विना भए नेता
राष्ट्रियता रटाउने भएका छन् सेता ।
विदेशको डलरले नेता भए छाडा
राष्ट्रवादी जनताका दिन गए टाढा ।

जहाँ गए पनि झिक्छन् बखेडा चैँ यिनै
भ्रष्टचारी भण्डारका अखडामा यिनै ।
स्वार्थी माग तेस्र्याउने काम गर्छन् यिनै
मिलीजुली कुम्ल्याउने धन्दा गर्छन् यिनै ।

अड्डादेखि अदालत तगडा छ यिनकै
आयोजना जनमुखी नखरा छ यिनकै ।
कमिसन तन्त्र-मन्त्र बडा दुनो यिनकै
दीनदुखी दुन्याउने दुलो-कुलो यिनकै ।

नेतालाई मीठो मासु अरूलाई छाला
मासु मागे देखाउछन् बडेमाको भाला ।
जनताले जानिसके नौटङ्कीको चाला
नेताजीको नाटकमा भुले जोबन जाला ।

नेताजीको चाला र माला
आफू मात्रै बन्दैछन् उज्याला ।

नागार्जुन न.पा. १, रानीवन, काठमाडौं
९८४१४९१०८१