गोपी थापा मगर ‘विरही’बाध्य छ, यो जिन्दगीलाई
हिमायती यमराजहरूले आफ्नै अनुकुलतामा खेलाइएका कुनीतिपूर्ण कुपोषित खेलहरू हेर्न बाध्य छ यो जिन्दगीलाई ।
रङ्गिन सपनाहरू
प्रतिबिम्बित छायाँ बनाएर
जिस्काउन बाध्य छ
यो जिन्दगीलाई ।
जँड्याहा र पागलजस्तै
आफ्नो निश्चित गति छाडेर
आफ्नै तालमा
धर्खराउँदै नाच्न बाध्य छ
यो जिन्दगीलाई ।
श्रृङ्गारिक आशाबादी मनलाई
स्खलन गरेर निराशाका गर्भाधान
गराउन बाध्य छ
यो जिन्दगीलाई ।
आफू सदा काकाकुल बनेर
अरुको प्यास मेटाउन बाध्य छ
यो जिन्दगीलाई ।
लाचार बनेर सधैँ—सधैँ
साला ! बेइन्साफी पाजीहरूको
दुर्गन्धित पाउको दुर्गन्धित धुलो
पुछ्न बाध्य छ
यो जिन्दगीलाई ।
हिमायती यमराजहरूले
आफ्नै अनुकुलतामा खेलाइएका
कुनीतिपूर्ण कुपोषित खेलहरू
हेर्न बाध्य छ
यो जिन्दगीलाई ।
०००
सिन्धुली
Subscribe
Login
0 Comments
Oldest
