जिन्दगी
खालि धूलो फोहर मात्रै गन्दा भयो जिन्दगी जसोतसो काम चलाउ धन्दा भयो जिन्दगी । बतासैले हल्लाउँछ कायर भयो जिन्दगी आन्दोलनमा जल्ने मात्रै टायर भयो जिन्दगी ।
चल्ला कोरल्दै नकोरल्ने अण्डा भयो जिन्दगी
सधैँ शीर झुकाउने, झण्डा भयो जिन्दगी ।
जसले पनि आई बजाउँछ घण्टा भयो जिन्दगी
चिसो चिसो धेरै चिसो ठण्डा भयो जिन्दगी ।
टुक्रा टुक्रा किताबको गाता भयो जिन्दगी
केर्र्ने मेट्ने थोत्रो ठेली खाता भयो जिन्दगी ।
एकादेशमा एकादेशको कथा भयो जिन्दगी
घरि—घरि बल्झि रहने व्यथा भयो जिन्दगी ।
मसानघाटको सुनसान चिहान भयो जिन्दगी
सधैं हुस्सु लागिरहने विहान भयो जिन्दगी ।
रङ्गहिन गन्धहिन पानी भयो जिन्दगी
सपना सबै पुरिएको खानी भयो जिन्दगी ।
कतै होचो कतै अग्लो डाँडाँ भयो जिन्दगी
चस्स चस्स बिझाउने काँडा भयो जिन्दगी ।
खालि धूलो फोहर मात्रै गन्दा भयो जिन्दगी
जसोतसो काम चलाउ धन्दा भयो जिन्दगी ।
बतासैले हल्लाउँछ कायर भयो जिन्दगी
आन्दोलनमा जल्ने मात्रै टायर भयो जिन्दगी ।
०००
क.न.पा ५, सिन्धुली