नेपाली हास्यव्यङ्ग्य अनलाइन पत्रिका

ठालुको वस्तीमा, जीवन मेरो करिया ।
शोषणको ठूला भारी, बोक्दैछ भरिया ।।
गन्ध आउँछ दासताको, भिजेछ फरिया ।
भाग्य मेरो मरुभूमी, छैन कतै ? हरिया ।।

लाग्छ यो जीन्दगीमा, सधैँ कालो बादल ।
बज्दैन जिन्दगी, फुटेको छ मादल ।।
पीर व्यथा मनभित्रै, पुरिएन खाडल ।
भएको छु हिजोआज, व्यवहारिसे पागल ।।

विपन्न त्यो झुपडीमा, छिरेको छ जाडो ।
अभावले ग्रसित छ जीवन, हुँदैन है ठाडो ।।
कर्कलाको पानी जस्तै, गरिखाने भाँडो ।
जस्ले पनि घात गर्छ, जीवन मेरो घाँडो ।।

आजभोलि खुराफाती, जाडो बढेको छ ।
जाडोसँगै उपिँयाको, मात चढेको छ ।।
मामुलीको भुवनमा, मूल्य घटेको छ ।
बाह्य पीयूष भित्र विष, जहाँ अटेको छ ।।

गफ दिन्छ, घातक निकोटिनयुक्त सुर्ति ।
धन मान र भानले, चढ्याछ यस्को फुर्ति ।।
भित्री रोपेर संगीन दिन्छ, जस्ले अर्ति ।
हरितकण छैन जस्को, मनको यो प्रती ।।

कालो मैलो छोपी, जस्ले टल्काउँछ ऐ्ना ।
हुनसक्छ कतै यहाँ, रहस्यको बैना ।।
उडी जान्छ एक दिन, मनको त्यो मैना ।
टल्केछ टलक्क, किन्तु मेडइन चाइना ।।

च्यातिएको छ जस्को, मगजको खोल ।
सिउनु पर्छ या पर्दैन ? तिमी आफैँ बोल ।।
पिउँदैछ यस्ले यहाँ भ्रष्टाचारको झोल ।
हान्दछ ठालुले नै, कपटी त्यो गोल ।।

०००
कमलामाई न.पा. ५ सिन्धुली