हाइकुको हानाहान
खोटी दिमाग, बुद्धिजीवी पगरी ,जोगौन धौ धौ । जीत र हार, जीवन भरि चल्ने , लुकामारी हो ।
नक्कली जोगी
खरानी धेरै घस्दा
सक्कली हिस्स ।
नौलो मुहार
खोज्दा खोज्दै थाकिने
निर्वाचन हो ।
भोको पेटमा
सिद्धान्त पिलाउने
नेता चाहिन्न ।
के गर्थे सेवा
बटुल्न थाले मेवा
भविष्य कालो ।
पुर्खाको शान
नेपाली स्वाभिमान
बिगार्ने नेता !
लौरो र घन्टी
बिना पिधको लोटा
पल्ट्याङ पुल्टुङ ।
सबक सिक्दा
जात नेताको जाने
पुरानो बानी ।
खोटी दिमाग
बुद्धिजीवी पगरी
जोगौन धौ धौ ।
जीत र हार
जीवन भरि चल्ने
लुकामारी हो ।
०००
काठमाडौं