नेपाली हास्यव्यङ्ग्य अनलाइन पत्रिका

छ निकास दिने अब को दलमा ।
म बजेट पचाउँछु यो छलमा ।।
बल बाहु जगाउ युवा दलमा ।
छ विकास सधैं घरको ढलमा ।।
१
न त शब्द कुनै कविता छ कुची ।
नव देश बनाउन छैन रुचि ।।
म त जित्छु चुनाव सधैं धनले ।
जनको शिर ठोक्छ सधैं घनले ।।
२
जनता किन बन्छ सदैव खसी ।
हरियो खर घाँस पचाउ बसी ।।
किन बन्छ बिकाउ सधैं जनता ।
अब साधु र सन्त नखोज यता ।।
४
नव देक्दछु आज यहाँ भुमरी ।
म त देख्दिन सत्य यहाँ न मरी ।।
न त राज कुनै न त काज कुनै ।
म त देख्छु सधैं अझ चोर उनै ।।
४
किन बस्दछ खै मन यो बदली ।
छ धुवाँ नजिकै मन यो नजली ।।
तन जल्छ सधैं किन खाग बनी ।
मतिहीन बने जनता न गनी ।।
५
धनको छलले किन बाँच्छ जुठे ।
म त दुख्ख सहेर जुरुक्क उठे ।।
अझ नाँच्छु यहाँ म मयूर बनी ।
म त शासक बन्छु तिमी नगनी ।।
६

०००
पाटन २ सिलंगा, बैतडी
हालः- पहलमानपुर, कैलाली